CASIGURAN

Dalawang oras matapos mamulutan sa Bakal 2 ng hilaw at tinortang gulay, sumundo ang maputlang driver upang ihatid ang mga Suki ng Sabado sa pinag-aawayang boundary ng Dinalungan at Casiguran.

Naganap ito dalawang oras matapos mag-almusal ang mga Hosto ng tapang baka at ensaladang pako sa kapitolyo ng Baler, at limang oras bago iginayak ang tinapang palos, pritong sawa at halabos na hipon sa baybayin ng Casiguran. 

Apat na oras matapos ang ika-2 ng hapon ay narating ng mga hinete ang tagong rantso sa Pantabangan matapos baybayin mula Casiguran ang kahabaan ng Dinadiawan white sand beach at mga pakiwalkiwal na akyatin ng Dicadi Highway patungo sa bayan ng Dipaculao at Maria Aurora.

Ilang bandehado ng kalderetang baka, adobong tupa, menudo at kilawing aso ang kanilang dinatnan subalit hindi naigayak ang tapang Kabayo, tinolang peacock at sinampalukang ostrich dahil ipinagbawal umano ito ng Star Dancer na siyang lead singer ng X-Deal 2 band mula sa Casiguran. 

Samantala, itinanghal si Julia Victoria na may pinakamalaki at pinakamagandang suso ng linggong nagdaan bagamat siya at 11 pang sumo wrestlers ay hindi nakalista sa Manifest ng Flight 828 mula sa Casiguran Airport.  

Lingguhang dialysis ang Sanctuary ng maputlang driver na naghatid sa amin sa Casiguran na ang katumbas ay apat na araw na solong karera sa mga lansangan ng Guimba, Lupao, Talugtug at San Jose City na umani ng gantimpalang mani at chicharong baboy...