ISANG LINGGONG SERBESA

Isang biglaang hapunan ang tumuldok 
sa isang linggong pagdiriwang

Pritong isda at Spam, litson at barbecue

ang mga naihandang ulam

Yan ay nung linggo na nag-umpisa nung Lunes kasama ang bisikleta at matitikas na barkada 

At nung Martes nang magkasunog sa E.Rodriguez

sa may Meranti kasama ang tropa sa Maynila

Nung Miyerkules ay bumaha ng pizza
at nung Huwebes ay AlTangHap na mag-isa

Ang Biernes ay nahantong sa Kanto Grill 

at maligamgam na serbesa

Pananghaliang kambing nadako ang Sabado 
na nagtapos sa may Paleta

Kaya n'ung Linggo ay na-obligang magbisikleta
bago ang hapunang naikuwento na sa una