umuugong ang antok na dumuyan sa iginagayak na midyear interim report
Ala-1 ng madaling araw,
unang gising at ihi, pahabol na sulsi sa binibihisang Meeting at Convening
Alas-3:30 ng madaling araw,
pangalawang gising upang magpaantok sa panonood ng Manila Visit sa TV
Alas-5 ng umaga,
matapang na kape ang malabnaw na uhog ng mga kuwentong barbero sa ALT
Alas-6 ng umaga,
kumagat sa manipis na social protection ng basurero ang ngipin ng amihan
Alas-7 ng umaga,
nagbaba ng maskara ang nakabisiklesta upang mahuli ang amoy ng YOSAS
Huling Sabado ng Enero,
sa Bakal 2 napulot ng namalengke sa Munoz ang mga milyahe na sininop ng mekaniko ng botika sa Guimba
na sinuhulan ng sunog na mani at ginayat na tokwang nasagip ng plantsador sa lingguhang sanggunian
Unang araw ng Pebrero,
ang pagsusumamo sa Mahal na Birhen ng Lourdes ni San Husep na ipagtanggol ang mga may karamdaman
at kay Padre Pio sa mayamang bahagi ng Libis, ang pintakasi ng pagpapagaling, ng pagdurusa, ng kirot
mga pagdiriwang at pag-aalay ng masaganang dulang at Amor Del Mar mula sa kusina ng mga Tausug sa Morato
